Астана Щучинск тас жолында жүк көлігінің жүргізушісі бетон қоршауға соғылды

АСТАНА, 20 қаңтар – Sputnik. "Астана" ақы алу пунктінде жүргізуші рөлде ұйықтап кетіп, қоршауға соғылды

Оқиға бүгін, 20 қаңтар таңғы сағат 09:00 шамасында болған."Астана – Щучинск" автожолы бойындағы "Астана" ақы алу пунктінде жол апаты тіркелді.

"Volvo маркалы жүк көлігі бетон қоршауға соғылған. Алдын ала мәлімет бойынша, оқиғаға жүргізушінің рөлде ұйықтап кетуі себеп болған", - деп жазылған хабарламада.

"ҚазАвтоЖол" осы орайда жолға шығатын азаматтарды қарапайым, бірақ аса маңызды мына талаптарды қаперде ұстауға шақырды:

шаршаған күйде рөлге отырмау;

жол үстінде әр 2–3 сағат сайын тоқтап демалу;

жылдамдықты шамадан тыс асырмай;

қауіпсіз арақашықтықты сақтау.

Әсіресе ақы алу пункттерінен кейінгі учаскелерде қозғалыс қарқыны жиілеп, жүргізушіден жоғары жауапкершілік талап етіледі, дейді компанияда.