Астанада Хусейн бен Талал көшесі мен Әл Фараби даңғылының қиылысы бір айға жуық уақытқа жабылады

Бұл учаскеде жоба аясында "жол жамылғысын" төсеуді қоса алғанда, құрылыс жұмыстары жүргізіледі, деп хабарлайды Tengri Auto.

Тәуелсіздік (әл-Фараби) даңғылын салу жобасын іске асыру аясында Қабанбай батыр даңғылынан Хусейн бен Талал көшесіне дейінгі учаскеде осы жылдың 5-30 қарашасы аралығында Хусейн бен Талал көшесі мен әл-Фараби даңғылының қиылысында көлік қозғалысы толығымен жабылады.

Фото: Астана әкімдігі

Жүргізушілер мен жаяу жүргіншілерден бағыттарын алдын ала жоспарлауды және қозғалысты ұйымдастырудағы ықтимал өзгерістерді ескеруді сұрайды. Қауіпсіздікті қамтамасыз ету және қолайсыздықтарды азайту мақсатында уақытша жол белгілері мен нұсқағыштар орнатылады.

Қала тұрғындарынан бұл өзгерістерге түсіністікпен қарауды және қала ішінде жүру бағытын жоспарлау кезінде оларды алдын ала ескеруді сұрайды.

Тағы оқыңыз: Жаңартылған Ақтөбе - Қандыағаш тас жолы ақылы болады.

Бізді Google-дың негізгі дереккөздер тізіміне қосыңыз