Астанада Иран мектебінде қаза тапқан оқушыларды еске алуға арналған фотокөрме өтті

АСТАНА, 25 сәуір – Sputnik. Иран елшілігінің Астанадағы мәдени орталығында Минаб қаласындағы "Шаджаре Тайебе" мектебінде қаза тапқан 165 оқушыны еске алуға арналған фотокөрме өтті

28 ақпанда АҚШ пен Израиль Иран аумағындағы нысандарға соққы жасай бастады. Қақтығыстың алғашқы күнінде-ақ елдің оңтүстігіндегі білім беру мекемесі шабуылға ұшырады.

© Photo : Предоставлено посольством Ирана в КазахстанеФотовыставка, посвященная памяти 165 погибших учеников школы "Шаджаре Тайебе", прошла в посольстве Ирана в Казахстане

Фотовыставка, посвященная памяти 165 погибших учеников школы "Шаджаре Тайебе", прошла в посольстве Ирана в Казахстане

© Photo : Предоставлено посольством Ирана в Казахстане

Елшілікте өткен шараға елшілер мен дипломаттар, жоғары оқу орындарының оқытушылары, студенттер және Қазақстанда тұратын ирандықтар қатысты.

"Мектеп сыныбының көрінісі қайта жасалып, АҚШ-тың қылмыстық күштері мен сионистік режимнің қолынан қаза тапқан оқушылардың суреттері қойылған рәсім барысында Иранның мемлекеттік әнұраны орындалды. Одан кейін осы мектепте қаза тапқан оқушылар туралы қысқаша бейнеролик көрсетілді", – деп хабарлады елшілік.

Қазақстандағы Иран елшісі Али Акбар Джокар мектеп оқушыларының америкалық және сионистік күштердің қолынан қаза табуын қылмыстық әрекет деп бағалады.

"Балалар мен бейбіт тұрғындарды нысанаға алу – халықаралық құқықтың іргелі қағидаттарын және адамзат ар-ожданын өрескел бұзу. Мұндай әрекеттерді кім жасаса да, олар қатаң айыпталуы тиіс", – деді Джоукар.

© Photo : Предоставлено посольством Ирана в КазахстанеФотовыставка, посвященная памяти 165 погибших учеников школы "Шаджаре Тайебе", прошла в посольстве Ирана в Казахстане

Фотовыставка, посвященная памяти 165 погибших учеников школы "Шаджаре Тайебе", прошла в посольстве Ирана в Казахстане

© Photo : Предоставлено посольством Ирана в Казахстане

Сондай-ақ ол халықаралық қауымдастық мұндай қайғылы оқиғаларға бейжай қарап, үнсіз қалмауы керектігін атап өтті.

"Бұл қылмысқа қатысты жауапкершілік, есептілік және гуманитарлық нормаларды сақтау – сөзсіз қажеттілік", – деді елші.

Іс-шара соңында қатысушылар қаза тапқан оқушылардың отбасыларына көңіл айтып, АҚШ пен сионистік режимнің әскери басқыншылығы жағдайында иран халқының қайсарлығын атап өтті.