Астанада күн күрт суытады: ТЖД ескерту жасады

АСТАНА, 20 желтоқсан – Sputnik. Астанада 21 желтоқсанға қараған түні ауа температурасы күрт төмендейді, деп хабарлайды Астана қаласы әкімдігінің ресми сайты.

Елордада -25-27 градус аяз болады деп болжанып отыр.

Осыған байланысты құтқарушылар елорда тұрғындарына қауіпсіздік шараларын сақтау жөнінде ескерту жасады.

"Астана қаласының төтенше жағдайлар департаменті қолайсыз ауа райы жағдайында тұрғындарды сақтық шараларын қатаң сақтауға, дауылды ескертулерді назарда ұстауға және мүмкіндігінше алыс жолға шықпауға шақырады", - деп жазылған хабарламада.

Дауылды ескертулер, ауа райының нашарлауы, сондай-ақ қала аумағындағы автожолдардың жабылуы туралы ақпаратты қадағалау ұсынылады.

Сонымен қатар, құтқарушылар қыс мезгілінде мұздың әлі толық қатпағанын ескертіп, тұрғындарды су айдындарындағы қауіпсіздік ережелерін қатаң сақтауға шақырады.