Астанада LRT вагондарын қолмен сүйреп бара жатқан жұмысшылар видеоға түсіп қалды

Желіде жұмысшылардың жеңіл рельсті көлік құрамын арқанның көмегімен сүйреп жатқан кадрлары пайда болды. CTS компаниясы бұл жағдайға қатысты түсініктеме берді, деп хабарлайды Arasha.kz.

TikTok әлеуметтік желісінде елорда тұрғыны LRT вагондарын жұмысшылардың қолмен сүйреп бара жатқаны көрінетін видео жариялады. Пікір қалдырушылар көргендерін бірден «Волгадағы бурлактар» картинасымен салыстырды. Қазақстандықтар бұл видеоға «Астанадағы бурлактар» және «LRT-дағы бурлактар» деген атаулар берді.

CTS компаниясы видеода вагондар рельске орнатылғаннан кейінгі оларды біріктіру сәті бейнеленгенін нақтылады.

«Бұл кезеңде вагондарды дәл бекіту үшін олардың орнын қолмен реттеуге жол беріледі. Барлық жұмыстар қауіпсіздік талаптарын сақтай отырып орындалуда. Бұл рельсті көлікті іске қосу-реттеу жұмыстары кезіндегі стандартты тәжірибе», - деп сендірді компания өкілдері.