Астанадағы көпқабатты тұрғын үйдің бірінен қасбеттік плиталар түсіп, тұрғындардың мазасын алды (ВИДЕО)

Күні кеше Sat City тұрғын үй кешенінің I блогындағы ғимараттың 7-қабат биіктігінен қасбеттік плита құлап түсті, – деп хабарлайды Aikyn.kz сайты.

Абырой болғанда, оқиға кезінде маңайда адамдар болмаған. Әйтпесе зардап шеккендер болуы мүмкін еді.

Видео авторының сөзінше, бұл алғашқы жағдай емес. Бұған дейін де қасбеттік плиталар түсіп жүрген. Олардың бірінде тіпті қаптама элементтері тұрғындардың дәл қасына құлаған.

Айта кету керек, небәрі 1-2 күн бұрын, оқиға болған жерден бірнеше метр жерде, Greenline аллеясының ашылуы өткен еді. Іс-шараға Мемлекет басшысы, қала өкілдері және тұрғындар қатысқан.

Болған жайтты видеоға түсірген тұрғын осы ақпараттың барынша тарауын сұрап отыр. Өйткені Sat NS құрылыс компаниясы мен жауапты органдар қасбеттік жұмыстардың сапасына назар аударып, тәуелсіз техникалық сараптама жүргізуі қажет.

Мұндай оқиғалар адамдардың, әсіресе тұрғын үй кешенінде тұратын әрі аулада ойнайтын балалардың өмірі мен денсаулығына нақты қауіп төндіреді.