Астанадан шыға берістегі жол бес күнге жабылды

"Балқарағай" демалыс аймағынан Павлодарға шығатын жолайрыққа дейінгі учаскеде орташа жөндеу жұмыстары жүргізіліп жатыр, деп хабарлайды Tengri Auto.

"Балқарағай" демалыс аймағынан Павлодарға шығатын жолайрыққа дейінгі учаскеде орташа жөндеу жұмыстары жүргізіліп жатыр, деп хабарлайды Tengri Auto.

20 мамыр сағат 17:00-ден 25 мамыр сағат 00:00-ге дейін "Балқарағай" демалыс аймағы бұрылысынан бастап Павлодар бағытына шығатын жолайрыққа дейін көлік қозғалысы толықтай тоқтатылды.

Фото: "ҚазАвтоЖол"

Жабылған учаскенің ұзындығы 8 шақырым.

"Қозғалысты толық шектеу жол қозғалысы қауіпсіздігін қамтамасыз ету, жол-көлік оқиғаларының алдын алу және жөндеу жұмыстарын сапалы әрі белгіленген мерзімде аяқтау мақсатында енгізіліп отыр", - деп түсіндірді компания өкілдері.

Жүргізушілерден сапарын алдын ала жоспарлауды, уақытша шектеулерді ескеріп, жүргізіліп жатқан жұмыстарға түсіністікпен қарауды сұрайды.

Бұған дейін Астана - Қарағанды тасжолының учаскесі бір айға ішінара жабылатыны хабарланған болатын.

Тағы оқыңыз: Төле би көшесіндегі “қазба“ жұмыстары қашан аяқталады: әкімдік жауабы

Google News арқылы жаңалықтарымызды қадағалаңыз