Атамбаевтың әйелі мен ұлы тергеледі: Қырғызстанда сайлау қарсаңында не болып жатыр?

Қырғызстанда 22 қараша күні жаппай тәртіпсіздіктер ісі аясында оппозициялық саясаткерлер мен қоғам қайраткерлеріне қатысты жаппай тінтулер мен тергеу шаралары өтті. Бірнеше адам ұсталып, кейбірі сұраққа шақырылды, деп жазады Egemen.kz.

Ішкі істер министрлігінің мәліметінше, саясаткер Темірлан Сұлтанбеков қамауға алынды, оның үйінде тінту жүргізілген. Ол билікті өзгертуге шақырды деген күдікке ілінген. Ведомство бұл дерек бойынша «жаппай тәртіпсіздіктер» бабымен қылмыстық іс қозғалғанын хабарлады. Сондай-ақ жергілікті ақпарат құралдары бұрын Экономикалық қылмыстарға қарсы күрес қызметін басқарған Сыймык Жапыкеевтің де ұсталғанын жазды.

Тінту шаралары бұрынғы депутаттар Кубанычбек Қадыров пен Шайлообек Атазовтың үйлерінде де өткізілген. Қадыровтың айтуынша, тергеу әрекеттері дәл осы қылмыстық ісқа байланысты. Тергеуге сұрақ алу үшін бұрынғы президент Алмазбек Атамбаевтың жұбайы Раиса Атамбаева мен ұлы Қадырбек Атамбаев шақырылған. Ал Атамбаевтың қызы Алия Шагиева орын алып жатқан жағдайды «саяси қудалау, адам құқықтары мен сөз бостандығын бұзу» деп атады.

Бұған дейін, қыркүйек айының ортасында Бішкек соты тәуелсіз «Клооп» порталының бұрынғы екі қызметкерін жаппай тәртіпсіздіктерге шақыру айыбы бойынша 5 жылға бас бостандығынан айыруға үкім еткен еді. Екі бухгалтерге 3 жылдық пробация тағайындалды. Айыптау тарапының нұсқасы бойынша, олар журналист Болот Темировпен бірге ел басшылығына қатысты «негізсіз сын және жалған ақпарат» жариялаған.

Еске сала кетейік, Қырғызстанда 30 қарашада кезектен тыс парламент сайлауы өтеді. Алғашында дауыс беру 2026 жылдың қарашасына жоспарланған, алайда 25 қыркүйекте депутаттар өз өкілеттігін мерзімінен бұрын тоқтатқан.