Атырау маңындағы төрт ауылда тышқанға қарсы дезинфекциялау жүріп жатыр

Атырау қаласының маңындағы төрт ауылда тышқанға қарсы дезинфекциялау жұмысы басталды, деп жазады Egemen.kz.

Қалалық әкімдіктің баспасөз қызметінен мәлім еткендей, Жайық өзенінің екі жағалауында орналасқан Талқайраң, Аспа, Алмалы және Береке ауылында дезинфекциялау шарасы жүргізіліп жатыр. Бұл жұмысты «WSS» және «AG Desinfection Services» ЖШС-нің мамандары қолға алды.

«Мамандар жерді шамамен жарты метр тереңдікте қазып, у себеді. Бұл әдіс зиянкестердің көбейіп, ауылдарға қарай жылжуына жол бермеу үшін қолданылады. Тұрғындарға кеміргішке арналған у таратылып, оны дұрыс қолдану тәсілі түсіндірілді. Препаратты қай жерге және қалай орналастыру тәсілі көрсетілді. Барлық жұмыс қауіпсіздік нормаларына сай атқарылып жатыр», деп мәлім етті әкімдіктің баспасөз қызметі.