Атырау облысы мұнай өндірісінің 62,5% ын қамтамасыз етті

Өткен жылдың қорытындысы бойынша Атырау облысы еліміздегі мұнай мен конденсат өндірісінің жалпы көлемінің 62,5 пайызын құрады.

Бұл туралы OilGasLook Telegram-арнасы статистикалық деректерге сүйене отырып хабарлады.

Жарияланған мәліметке сәйкес, өндіріс көлемі бойынша екінші орында Маңғыстау облысы тұр — 17,2%. Одан кейін Батыс Қазақстан облысы — 12,7%, Ақтөбе облысы — 4,6%, ал Қызылорда облысы — 3%.

Айта кетерлігі, Қызылорда облысында мұнай мен конденсат өндіру көлемі тұрақты түрде төмендеп келеді — бұл құлдырау қатарынан он сегізінші жыл тіркеліп отыр.

Жалпы ұсынылған деректер мұнай өндірудің елдің батыс аймақтарында шоғырланғанын көрсетеді. Әсіресе Атырау облысы көп жылдан бері Қазақстанның негізгі мұнай-газ орталығы болып қалып отыр.

Бүгін, 19:49