Атырау облысында 144 мыңға жуық адам обыр ауруына тегін тексеріле алады

Биыл Атырау өңірінде 144 мыңға жуық тұрғын обыр ауруына тегін тексеріле алады.

2026 жылдан бастап елде барлық онкологиялық скринингтер міндетті әлеуметтік медициналық сақтандыру жүйесінен шығарылып, тегін жүзеге асады. Енді обыр ауруын анықтауға арналған шара мемлекет есебінен жүреді. Атырау облыстық онкологиялық диспансері сүт безі обыры, жатыр мойыны ісігі және тоқішек обырын ерте кезеңде анықтайтын медициналық жабдықтармен жабдықталды. Нәтижесінде 101 мың адам скринингтен өтті. Биыл бұл көресткіш 42 пайызға артады деп жоспарланған.

Эльмира Сапарова, облыстық онкологиялық диспансердің директоры:

- Өкінішке орай, осы уақытқа шейін мына страховкасы жоқ тұрғындар скринингтен өтеді де әрі қарай терең тексеріске қолжетімсіз болып қалады. Себебі оның ОСМС пакеті жоқ болғандықтан. Бүгінгі күні Үкімет тарапынан қолдау болып, қазіргі таңда онкоскрининг толықтай тегін  ГОБМП-да өтіп жатыр. Бұл біз үшін қуанарлық жағдай. Себебі скринингтің мақсаты қатерлі ісікке алып келетін ауруларды анықтап, оған дейінгі предраковый деп айтамыз емдеп жазу.