​Атырау облысында полицейлер жолдатұрып қалған шетелдік жүргізушіге көмектесті

Атырау облысында патрульдік полиция қызметкерлері жолда қиын жағдайға тап болған шетелдік жүргізушіге көмек көрсетті.

Полицияның хабарлауынша, қозғалтқыштың бұзылуына байланысты жеңіл автокөліктер тиелген автовоз бірнеше күн бойы жолға шыға алмай, тұрып қалған.

Патрульдік полиция қызметкерлері жүргізушіге су жеткізіп, азық-түлікпен қамтамасыз етіп, үнемі байланыста отырды.

Бұдан бөлек, тәртіп сақшылары ақауы бар жүк көлігі тұрған учаскеде жол қозғалысы қауіпсіздігін қамтамасыз ету шараларын қабылдады.

Кейін арнайы техниканың көмегімен автовоз қауіпсіз тұраққа эвакуацияланды.

Полициядағылар атап өткендей, қызметкерлердің жедел әрекетінің арқасында бұл жағдай сәтті шешілді.

Бүгін, 16:11