Атырауда 22 үй жөнделіп, шатыры жаңартылады

Атырауда 22 үй жөнделіп, шатыры жаңартылады.

Былтыр қатты дауылдан көпқабатты 10 үйдің қасбеті зақымданған. Жергілікті билік 400 млн теңге жұмсап, үйді қалпына келтіреді. Қазір құрылыс жұмыстарына жауапты мердігерлер анықталып жатыр. Жалпы Атырауда 1800-ге жуық көпқабатты үй бар. Олардың 40 пайызы жаңғыртуды қажет етеді.

Ербол Айтқалиев, қалалық ТҮКШ бөлімінің бас маманы:

- Орталық көше - Абай нөмірі 11, нөмірі 13, нөмірі 14,16 және нөмірі 18-ші тұрғын үйлерге қас беті мен шатырын ауыстыру жұмыстары қарастырылған. Оған қоса «Алмагүл» ықшам ауданы, Балықшы ықшам ауданы және Нұрсая ықшам аудандарында қас бетті қайта қалпына келтіру жұмыстары қарастырылған болатын. Сонымен қатар 12 үйге жобалық-сметалық құжаттама жасақталуда.