Атырауда егеуқұйрық жертөлені қойып, пәтерге шығып жүр

Бірден бірнеше мекен - Нұрсая, Жилгородок және орталық ықшамауданның тұрғындары егеуқұйрықтың көбейіп кеткенін хабарлады.

Қала тұрғындарының айтуынша, кеміргіштер енді жертөле және қоқыс жәшіктерімен шектелмей, тікелей пәтерлерге кіріп кетіп жатыр. 

- Мен Нұрсаяда тұрамын. Соңғы екі аптада кіреберіс пен жертөле тышқандарға толып кетті. Жақында біреуі желдеткіш арқылы пәтерге кіріп кетті - бұл жағымсыз және қорқынышты болды. Біз енді азық-түлікті ашық қалдырмайтын болдық, - деді ықшамаудан тұрғыны Амангүл Тыныштыкова.

Осындай жағдайды қаланың орталығық ықшамауданы тұрғындары да бастан кешіруде. Айман Болатова егеуқұйрық тап-таза үйлерде де пайда болатынын айтып отыр:

- Олар енді адамнан қорықпайтын болған. Түнде қабырғаның артында сыбдырлаған дыбыс естіледі. Бізде кішкентай балалар бар, қатты алаңдаймыз. 

Жилгородок тұрғындарының айтуынша, кеміргіштер әсіресе ескі үйлер мен қоқыс контейнерлерінің жанында көп мекендейді. Олардың айтуынша, дезинфекциялық жұмыстар бірнеше айдан бері жүргізілмеген.

Қала әкімдігі биыл кеміргіштерге қарсы күреске қаражат бөлінбегенін растады:

- Қазіргі уақытта әкімдік тарапынан кеміргіштерді улауға қаражат бөлінген жоқ. Сіз ақылы қызметті пайдалана аласыз. Егер КСК жұмысы қанағаттандырмаса, тұрғындардың 70% келісімімен басқа КСК құрамына өтуге болады, - деп хабарлады баспасөз қызметі.

Сонымен қатар, қалалық ТҮКШ басқармасы жыл басынан бері тышқандарға қатысты оннан астам шағым түскенін атап өтті.

Мамандар егеуқұйрықтың қауіпті инфекциялардың тасымалдаушысы екенін және сымдарды, жиһаздарды және қабырғаларды зақымдай алатынын еске салады.

Қала тұрғындары биліктен шұғыл шаралар қабылдауды және жертөлелер мен аулаларда дератизацияны қайта бастауды талап етуде. Олардың айтуынша, жаппай өңдеу шаралары соңғы рет бірнеше жыл бұрын жүргізілген. Қазір адамдар егеуқұйрықты өз күштерімен улауға немесе жеке компанияларға жүгінуге мәжбүр, бұл олардың айтуынша, қалтаны қатты қағып тұр. 

Айгүл МАНСУРОВА

Тұрғындар жіберген видео мен сурет

Бүгін, 10:15