Ауа райы: елімізде аяз күшейді

Шығыста қытымыр аяз.

Бүгін түнде өңірдің кей аудандарында сынап бағанасы 42 градусқа дейін төмендеді. Елдің солтүстігін де аяз қысты. Қазір арқада 38  градус. Астанада бірінші ауысымдағы мектеп оқушылары мен колледждің 1-2 курс студенттері сабақты онлайн оқиды. Сондай-ақ бірнеше өңірде дауылды ескерту жарияланды. Түркістан облысында қар аралас жаңбыр жаууы ықтимал. Алматы облысында боран болады. Батыста жол қозғалысы шектелді. Мамандар қауіпсіздік шараларын барынша сақтау қажет деп ескертеді.