Аулалардан қауіпсіздікке дейін қазақстандықтар өз аудандарының мәселелерін өздері шеше алады

Қазақстандықтар аумақтық кеңестерге бірігіп, өз қалалары мен басқа да елді мекендердегі мәселелерді шешуге қатыса алады. Мәжілісте тиісті түзетулер бірінші оқылымда қаралып жатыр, - деп хабарлайды Tengrinews.kz.

Қазақстандықтар аумақтық кеңестерге бірігіп, өз қалалары мен басқа да елді мекендердегі мәселелерді шешуге қатыса алады. Мәжілісте тиісті түзетулер бірінші оқылымда қаралып жатыр, - деп хабарлайды Tengrinews.kz.

Жергілікті мемлекеттік басқару және өзін-өзі басқару туралы заң жобасына сәйкес, Қазақстанда ресми деңгейде "аумақтық өзін-өзі басқару" ұғымы бекітіледі.

Аумақтық өзін-өзі басқару - бұл бір ауданның тұрғындары жергілікті мәселелерді өздері шешіп, мәслихатпен өзара іс-қимыл жасауы.

Бұл қалай жұмыс істейді:

Тұрғындар жиында аумақтық кеңесті сайлайды. Кеңес бір немесе бірнеше округ аумағында жұмыс істейді. Кеңестің өкілеттік мерзімі - 4 жыл. Кеңесті оның мүшелері арасынан сайланатын төраға басқарады. Кеңес отырыстарға жиналады және өз регламенті бойынша жұмыс істейді. Кеңес құрамына мәслихат депутаттары кіре алады. Кеңес заңды тұлға болып табылмайды.

Кеңес немен айналысады:

Ауданның негізгі мәселелерін айқындайды. Жергілікті билікке шешімдер ұсынады. Қарапайым жергілікті мәселелерді өзі шеше алады. Тұрғындармен, ПИК/МТБ-мен жұмыс істейді және аулалар мен үйлерді жақсартуға көмектеседі. Мәслихат отырыстарына қатысады.

Қазақстандықтар қандай мәселелерді шеше алады:

Құжатқа сәйкес, қарапайым азаматтар құқықбұзушылық, тіпті экстремизм және терроризммен күреске қатыса алады. Сондай-ақ кеңестер келесі мәселелерді талқылай алады:

Су, жол және абаттандыру. Мәдениет, спорт және бос уақыт. Дәстүрлер мен қоғамдық өмірді қолдау. Мектептердің, ауруханалардың және мәдени мекемелердің жұмысы (әкімдіктермен бірлесіп). Экология және жерді пайдалану. Ауыл шаруашылығы және жайылымдар. Төтенше жағдайлар. Құрылыс және коммуналдық меншікті басқару. Осал топтарға көмек (мүгедектігі бар адамдар, баспанасыздар және тағы басқалар). Кеңес мүшелеріне ақы төлене ме?

Депутаттар мұндай жұмысқа ақы төленетін-төленбейтінін нақтыламады. Алайда былтыр Парламент құқық бұзушылықтың алдын алу мәселелері бойынша түзетулер қабылдады. Онда құқық бұзушылықпен күресе алатын ерікті көмекшілерге қатысты ұқсас норма бар.

Олар мұндай заңбұзушылықтар туралы полицияға хабарлай алады, іс-шаралар кезінде тәртіпті сақтауға көмектеседі, жоғалған адамдарды іздестіруге қатысады. Бұл ретте заңда құқық бұзушылықтың алдын алуға көмектескені үшін ынталандырудың әртүрлі түрлері қарастырылған:

алғыс айту және грамоталар; ақшалай төлемдер; оқыту және біліктілікті арттыру; жұмыс орны бойынша көтермелеу; мемлекеттік наградалар мен құрметті атақтарға ұсыну.

Ынталандырудың нақты қай түрін қолдануды әкімдік шешеді.