Автобус паркі жаңартылды

Алматы облысында жолаушылар тасымалындағы өзекті мәселенің бірі қоғамдық көліктің жай-күйі еді. Тұрғындар автобустардың ескіргені мен қыс айларында салонның суық болатынына жиі шағымданатын. Кейінгі үш жылда облыстағы 240 автобустың 113-і жаңартылды. Бұл жалпы автобус паркінің 47 пайызын құрайды.

Өткен жылдың өзінде өңір маршруттарына 36 жаңа автобус шығарылған. Бұл шаралар – жолаушылар тасымалы саласындағы қордаланған проблемаларды жүйелі түрде шешуге бағытталған жұмыстардың бір парасы.

Жоспарлы жаңарту бас­талғанға дейін қоғамдық көлік саласындағы жағдай автобус­тардың тозу деңгейінің жоғары болуына, көлік қолжетімділігі­нің біркелкі еместігіне байла­нысты күрделене түскен. Автобус паркі соңғы рет 2018 жылы жаңартылған, ол Қонаев қала­сында небәрі 11 көлікпен шектелген еді. Бұл қарқынды дамып, аумағы кеңейе түскен өңірдің қажеттілігін толық қамтуға мүм­кіндік бермеді. Әсіресе ішкі ауданаралық бағыттар мен шал­ғай ауылдық елді мекендерде мәселе айқын сезіліп, қоғам­дық көлік көп жағдайда жалғыз қаты­нас құралы болып қала берді.

Мәселенің өзектілігі ескеріліп, 2023 жылдан бастап облыста автобус паркін кезең-кезеңімен жаңарту тетігі қалыптастырылды. Сол жылы тасымалдаушылар өз қаражаты есебінен 33 автобус сатып алса, одан кейінгі жылы 44 автобус жаңартылды. Оның 27-сі жеңілдетілген лизинг бағдарламасы аясында алынған. Былтыр тағы 33 автобус жеңілдетілген қаржылық құралдар арқылы сатып алынып, іске қосылды. Бұл тәсіл бірреттік сатып алудан тұрақты жаңғырту моделіне көшуге жол ашты.

Бұл бағыттағы жұмыс алдағы уақытта да жалғасын табады. Алматы облысы Жолаушылар көлігі және автомобиль жолдары басқармасының мәліметінше, биыл тағы 31 автобусты жаңарту жоспарланып отыр. Оның ішінде 11 автобус қаңтар айында сатып алынды.

Биылға арналған жоспарды қалыптастыру кезінде әлеумет­тік жүктемесі жоғары маршрут­тарға, бұрын көлік қолжетімділігі жөнінде күрделі мәселе тіркелген бағыттарға басымдық беріліп отыр. Негізгі мақсат – тозығы жеткен автобус паркінің үлесін біртіндеп азайтып, маршрут­тық желінің тұрақты жұмысын қамтамасыз ету.

Автобус паркін жаңғырту арқылы жолаушылар тасымалы саласындағы жүйелі мәселелер шешімін тауып, тұрғындардың қоғамдық көлікпен қатынауына қолайлы жағдай жасалып келеді.

Алматы облысы 

Соңғы жаңалықтар

Банктер кәсіпкерлерге 20 трлн теңге несие берді

Банк • Бүгін, 13:00

Бірінші сынып оқушыларына қосымша қысқы демалыс беріледі

Мектеп • Бүгін, 12:55

Бүгін XXV қысқы Олимпиаданың салтанатты ашылу рәсімі өтеді

Спорт • Бүгін, 12:49

Қазақстан 60 маңызды минералдың 20-сын экспортқа шығаруға дайын

Қазақстан • Бүгін, 12:22

Түркістан облысында алып сәби дүниеге келді

Аймақтар • Бүгін, 12:15

Қазақстанның Азаматтық альянсы конституциялық реформаны қолдады

Ата заң • Бүгін, 12:06

Петропавлда бір ғана шағын ауданнан 15 наркограффити жойылды

Аймақтар • Бүгін, 11:58

Құлсарыда мектепке балтамен келген 10-сынып оқушысы қамауға алынды

Оқиға • Бүгін, 11:48

Халық тұтынатын көмір 9%-ға қымбаттады

Қоғам • Бүгін, 11:35

Бадам өзеніндегі балықтардың жаппай қырылуына не себеп болды?

Экология • Бүгін, 11:28

Жасанды интеллект отандық өнеркәсіпті қалай өзгертеді?

Жасанды интеллект • Бүгін, 11:18

Барлық сатылым үшін кешбэк: Қай банктер жомарттық танытады?

Қоғам • Бүгін, 11:08

Тауар өндірушілер тізіліміне өтінім қабылдау жалғасып жатыр

Digital • Бүгін, 10:59

Әлеуметтік зерттеу: Қазақстан халқының 85%-ы жаңа Конституция жобасын қолдады

Ата заң • Бүгін, 10:45

Банктер туралы жаңа заңға байланысты депозиттерге кепілдік беруде не өзгереді?

Банк • Бүгін, 10:32

Барлық жаңалықтар