Еліміздің вагон паркі 100% ға жаңартылады

Бұл вагондар — отандық өнім.

Фото: Солтан Жексенбеков/Kazinform

Петропавлда құрастырылған олар кондиционер, биодәретхана, бейнебақылау камералары т. б. заманауи құралдармен қамтамасыз етілген.

Фото: Солтан Жексенбеков/Kazinform

«Жолаушылар тасымалы» АҚ Бас директоры Дияр Нүсіпқожановтың сөзінше, соңғы 4 жылда Петропавлдан осындай 436 вагон жеткізілген.

Фото: Солтан Жексенбеков/Kazinform

Олар «Павлодар-Түркістан», «Павлодар-Алматы», «Қызылорда-Семей», «Алматы-Саратов», «Алматы-Новосібір» және «Маңғыстау-Атырау» бағыттарында жолаушы тасымалдап жүр.

Фото: Солтан Жексенбеков/Kazinform Фото: Солтан Жексенбеков/Kazinform

— Мемлекет басшысының тапсырмасына сәйкес жолаушылар вагондары паркін жаңарту жұмыстары жүйелі түрде жүргізіліп келеді. Бұл — компанияның стратегиялық басым бағыты. Алдағы екі жылда тағы 131 жаңа вагон аламыз. 2030 жылға қарай еліміздің вагон паркі 100%-ға жаңартылады, — деді Д. Нүсіпқожанов.

Фото: Солтан Жексенбеков/Kazinform

Айта кетейік, жолға шыққан жаңа вагондарды Railways Systems KZ холдингі құрастырған.

Фото: Солтан Жексенбеков/Kazinform

— Жылына 150-250 шамасында жолаушылар вагонын құрастыра аламыз. Олардың жарамдылық мерзімі — 40 жылға дейін. Осы аралықта тозса, әлбетте, жөндеуден өткізуге болады. Одан бөлек жүк вагондары, цистерналар т. б. өнімдерді шығарамыз. Өндіріске қажетті шикізаттың кейбірін елімізден, кейбірін Ресей, Беларусь тәрізді мемлекеттерден аламыз, — дейді компанияның коммерциялық директоры Артем Павлингер.

Фото: Солтан Жексенбеков/Kazinform Фото: Солтан Жексенбеков/Kazinform

Еске салайық, бұған дейін сәуірде Stadler компаниясының алғашқы вагондары қатынай бастайтынын жазғанбыз.