Биыл ҚТЖ паркі 90 ға жуық локомотивпен толықты

АСТАНА, 4 маусым - Sputnik. Ұлттық тасымалдаушы осы жылдың мамыр айында локомотивтердің кезекті партиясын алды, деп хабарлады "Қазақстан темір жолы" ҰК" АҚ баспасөз қызметі.

2026 жылдың мамыр айында "Қазақстан темір жолы" ҰК" АҚ желісіне 14 жаңа локомотив: Alstom электровоздары және CRRC маневрлік тепловоздары келіп түсті. Оның ішінде жеті локомотив Павлодар локомотив депосына, үшеуі Жаңаарқа депосына, төртеуі Астана депосына жөнелтілді.

"Жыл басынан бері ҚТЖ локомотив паркі тартқыш жылжымалы құрамның 86 бірлігімен толықтырылды. Жаңа локомотивтер Астана, Қызылорда, Қарағанды, Атырау, Маңғыстау, Павлодар, Мақат, Екібастұз, Жем, Жаңа Арқа және Балқаш локомотив деполарында пайдаланылады", - деп жазылған хабарламада.

Жаңа техникада локомотив бригадаларының еңбек жағдайларына ерекше назар аударылған. Кабиналар климатты бақылау жүйелерімен, тоңазытқыштармен, тағамды жылытуға арналған құрылғылармен, жеке заттарды сақтауға арналған орындармен және эргономикалық машинист орындықтарымен жабдықталған.

Маневрлік локомотивтер жарықдиодты жарықтандырумен, сегіз камералы бейнебақылау жүйесімен, бақылау камерасымен, терезелер мен айналарды жылытумен, сондай-ақ локомотив бригадаларының қауіпсіздігі мен ыңғайлылығын арттыратын екі басқару пультімен жабдықталған.

Дизайнда техникалық қызмет көрсетуді жеңілдететін заманауи шешімдер қарастырылған, дейді компанияда.