Байлардың проблемасын шешіп жүрміз : Алмат Сақатов қоғамды қатты сынға алды (ВИДЕО)

Танымал актер Алмат Сақатов "Qazaq Airan" жобасына берген сұхбатында қоғамдағы қайшылықты құбылыстарға назар аударды, деп хабарлайды Arasha.kz.

Актердің айтуынша, бүгінде қоғамда маңызды мәселелер екінші орынға ысырылып, уақытша шу тудырған оқиғалар алдыңғы қатарға шығып кетеді.

"Қазір сөйлегің келеді. Бірақ бір уақытта түсініксіз жағдайлар топ ете қалады. Бір кезде Мұқасанды шығарып алып, "масқара", "сұмдық" деп соны талқылайды. Сосын Төреғали шу шығарады да, бәрін ұмыттырады. Енді Төреғалиді мыжи бастаймыз. Халық енді шулап жатқан кезде Жұбаныш аэропортта қораға кіріп кетеді. "Жұбаныш қандай адам еді?" деп жатқанымызда, Тұрсынбек топ еткізеді. Сөйтіп, біз керемет, мықты, көңілді заманда өмір сүріп жатырмыз. Біз өз үйіміздегі кемшілігімізді ұмытамыз. Біз салығымызды, ақшамызды, зейнетақының аз екенін, көпбалалы аналардың жағдайын ұмытамыз да, бай-дәулетті адамдардың проблемасын шешеміз. Сондай заманда өмір сүреміз", – деді Алмат Сақатов.