Барлығы 5 компания . Ұлттық банкте БЖЗҚ дан ақшаның бір бөлігін қалай шығаруға болатынын айтты

Ұлттық банк төрағасының орынбасары Әлия Молдабековаға зейнетақы жинақтарының бір бөлігін жеке компанияларға беру туралы сұрақ қойылды. Ол бұл қаражатты шығару бойынша кеңес берді, деп хабарлайды Tengrinews.kz тілшісі.

Ұлттық банк төрағасының орынбасары Әлия Молдабековаға зейнетақы жинақтарының бір бөлігін жеке компанияларға беру туралы сұрақ қойылды. Ол бұл қаражатты шығару бойынша кеңес берді, деп хабарлайды Tengrinews.kz тілшісі.

Сенатта өткен брифингте Молдабековаға Бірыңғай жинақтаушы зейнетақы қорынан (БЖЗҚ) жекелеген жеке зейнетақы компанияларын бөліп шығару мүмкіндігіне қатысты Ұлттық банктің ұстанымы, сондай-ақ бұл жағдайда қазақстандықтардың зейнетақы жинақтарының қорғалуы туралы сұрақ қойылды.

"Егер біз қазір тек бірыңғай зейнетақы қоры емес, жеке қорлар да болатын жағдайға келсек, өткендегі қателіктерді қайталамай, қазақстандықтар өздерінің маңдай термен тапқан қаражатынан айырылып қалмауы үшін қандай да бір механизмдер бар ма?", - деп сұрады Сенаттағы брифингте Ұлттық банк төрағасының орынбасарынан.

Әлия Молдабекова қазіргі уақытта Ұлттық банктен бөлек зейнетақы активтерінің үлесін бес жеке компания басқарып отырғанын, бірақ олардағы қаражаттың жалпы көлемі "әзірге аса көп емес" екенін айтты.

"Сандар ауқымын түсіну үшін: Ұлттық банктің басқаруында 25 триллион теңгеден астам қаражат болса, осы бес жеке компанияның басқаруында шамамен 100 миллиард теңге бар. Ұлттық банк пен жеке басқарушы компаниялар арасындағы таңдауды салымшының өзі жасайды. Зейнетақы активтері құнының төмендеуі немесе одан айырылу тәуекелдеріне келсек, Қаржы нарығын реттеу және дамыту агенттігі мен Ұлттық банк бұл жеке компанияларға зейнетақы активтерін басқаруға рұқсат берілгенге дейін үлкен жұмыс атқарды. Бұл басқарушыларға қатаң критерийлер мен талаптар қойылды. Сөз 1,7 миллиард теңгеден кем емес меншікті капитал туралы болып отыр. Сондай-ақ активтерді басқаруда кемінде үш жылдық тәжірибенің болуы мен белгілі бір несиелік рейтингі бар ірі резидент-акционердің болуы талап етіледі", - деп жауап берді Молдабекова.

Оның айтуынша, осы "қатаң тұжырымдалған талаптарды" ескерер болсақ, ескі қателіктер "қайталанбайды" деп пайымдауға болады.

"Жеке басқарушы компаниялар іске қосылған сәттен бастап, олардың орташа табыстылығы Ұлттық банкке қарағанда жоғары, өйткені банктің тәсілі бәрібір консервативті болып саналады. Сондықтан қазір біз агенттікпен бірлесіп, халық осы жеке басқарушы компанияларға үлкен қызығушылықпен қарап, өз зейнетақы жинақтары бойынша табыстылықты әлеуетті түрде арттыра алуы үшін қандай талаптар енгізу қажеттігін талқылап жатырмыз (...) Меніңше, зейнетақы жинақтарын жеке компанияларға аудару туралы шешім қабылдағанда, ең алдымен (олардың жұмысын - ред. еск.) талдау қажет. Олар көп емес, бар болғаны бесеу. Оның үстіне олардың қызметі мен нәтижелері өте ашық", - деп толықтырды Әлия Молдабекова.

Ұлттық банк төрағасының орынбасары қазақстандықтарға әр компанияның табыстылық тарихымен танысып, содан кейін ғана шешім қабылдауға кеңес берді.

ОБСУЖДАЕТСЯ СЕЙЧАС

“Өкінемін, кінәлімін“: Қостанайда полицейге шабуыл жасағандар кешірім сұрады

02 сәуір 14:44 1

Қызылордадағы жол апаты: марқұмның отбасы Lexus жүргізушісі кінәлі болуы мүмкін екенін мәлімдеді

30 наурыз 15:27 1

Алматыдағы жантүршігерлік жол апатына кінәлі жүргізуші туралы не белгілі?

24 наурыз 13:04 1

Еске сала кетейік, Қазақстанда зейнетақы жинақтарын жеке басқаруға беру ережелерін өзгерту мүмкіндігі талқыланып жатыр. Бұған дейін салымшылар өз жинақтарының тек 50 пайызын басқаруға бере алатын. Жаңа тәсіл барлық қаражатты - 100 пайызға дейін жеке басқаруға аудару мүмкіндігін қарастырады.

Google News арқылы жаңалықтарымызды қадағалаңыз