Барлық банктер салық органдарына қазақстандықтардың мобильді аударымдары бойынша деректерді берді

Барлық екінші деңгейлі банк қазақстандықтардың мобильді аударымдары бойынша деректерді салық органдарына тапсырып үлгерді. Бұл туралы Мәжіліс кулуарында қаржы вице-министрі Ержан Біржанов мәлімдеді, деп хабарлайды Tengrinews.kz тілшісі.

Барлық екінші деңгейлі банк қазақстандықтардың мобильді аударымдары бойынша деректерді салық органдарына тапсырып үлгерді. Бұл туралы Мәжіліс кулуарында қаржы вице-министрі Ержан Біржанов мәлімдеді, деп хабарлайды Tengrinews.kz тілшісі.

Оның айтуынша, қазіргі уақытта салық қызметкерлері алынған ақпарат жиынтығын өңдеп, салыстырып жатыр, сондықтан хабарламалардың нақты саны мен азаматтардың санаттары туралы айтуға әлі ерте.

"Бүгінгі таңда барлық банк деректерді ұсынды, мен бұған дейін айтқанымдай, бұл ақпаратты қабылдадық. Қазір осы деректерді өңдеу жұмыстары жүріп жатыр. Қандай санаттар, қандай шаралар қолданылатыны туралы әзірге ешқандай қорытынды бере алмаймыз, өйткені алғашқы хабарламаларды тек мамыр айында жолдай бастаймыз", - деді Біржанов.

Вице-министр салық мамандарына мәліметтерді әлі де талдап, оларды санаттарға бөлу қажет екенін түсіндірді - бұл жерде жеке кәсіпкерлер, өзін-өзі жұмыспен қамтығандар, резидент еместер немесе басқа тұлғалар туралы сөз болып отыр ма, соны анықтау керек. Сонымен қатар әртүрлі банктен алынған деректерді салыстыру қажет, өйткені әңгіме бір азамат туралы болуы мүмкін.

"Қазір қандай да бір нақты мөлшер туралы айтып, олар бойынша хабарлама жібереміз деуге әлі ерте. Мамыр айында хабарламаларды жолдай бастаймыз", - деп қайталады Біржанов.

Бұған дейін банктер 15 сәуірге дейін салық органдарына 2026 жылдың бірінші тоқсанындағы мобильді аударымдар бойынша деректерді беруі тиіс екені хабарланды. Фискалдық органдарды тек үш критерий бір мезгілде сәйкес келген жағдайлар ғана қызықтырады: аударымдар 100 және одан да көп әртүрлі тұлғадан түскен, бұл қатарынан үш ай бойы қайталанған және жалпы сомасы ең төменгі жалақының 12 еселенген мөлшерінен - 1 020 000 теңгеден асқан болуы тиіс.

ОБСУЖДАЕТСЯ СЕЙЧАС

Алматыдағы жантүршігерлік жол апатына кінәлі жүргізуші туралы не белгілі?

24 наурыз 13:04 1

Қызылордадағы жол апаты: марқұмның отбасы Lexus жүргізушісі кінәлі болуы мүмкін екенін мәлімдеді

30 наурыз 15:27 1

Қорғаныс министрлігі Атырау облысында әскери техника түсірілген видеоға пікір білдірді

31 наурыз 16:22 1

Бұл ретте Қаржы министрлігі бұған дейін айыппұлдардың автоматты түрде салынбайтынын атап өткен болатын. Алдымен салық органдары хабарлама жолдап, түсініктеме талап етуі тиіс. Содан кейін ғана нақты жағдай бойынша шешім қабылданады. Сондай-ақ мұндай хабарламаға ол табыс етілген күннен бастап 30 жұмыс күні ішінде жауап беру қажет екені хабарланған.