Батыс өңірлерде электр энергиясына байланысты шектеулер енгізілгені рас па KEGOC түсініктемесі

Компания мәліметінше, аталған ақпарат шындыққа еш сәйкес келмейді. Жүйелік оператордың ресми ақпаратына сәйкес, 2026 жылғы 23–24 қаңтар күндері өнеркәсіптік тұтынушылар мен халыққа электр энергиясын беруде шектеу шаралары қолданылмаған.

Электрмен жабдықтау үздіксіз, ажыратусыз және электр энергиясын беру көлемін төмендетпей штаттық режимде жүзеге асырылды.

Сонымен қатар, KEGOC жекелей шектеулер белгіленген кезеңде тек Батыс Қазақстан және Атырау облыстарында цифрлық майнингпен айналысатын компанияларға қатысты уақытша қолданылғанын нақтылайды. Бұл шаралар қолданыстағы нормативтік талаптар шеңберінде қатаң түрде іске асырылып, жүктеме теңгерімін сақтауға және елдің бірыңғай электр энергетикалық жүйесінің тұрақты жұмысын қамтамасыз етуге бағытталғаны да айтылады.

Айта кетсек, 2026 жылдың басында Германияда жаппай блэкаут болды.