Бектенов отандық зауытта шығарылған өрт сөндіру машиналарын мақтады

АСТАНА, 21 шілде – Sputnik. Премьер-министр Олжас Бектентов отандық зауытта шығарылатын өрт сөндіру машиналарын мақтады, деп хабарлайды Sputnik Қазақстан.

Үкіметтің бүгінгі отырысында көлік жасау саласын дамыту мәселесі қаралды. Сол кезде "QazTehna" зауытының басшылығы баяндама жасады. Бүгінде осы кәсіпорында өрт сөндіру машиналары шығарылады. Премьер бұл көліктердің тиімділігін ерекше айтты.

"Бүгінде бізде ауа температурасы жоғары, өрт қауіпі де жоғары болып тұр. Осы орайда "QazTehna" зауытында шығарылған заманауи өрт сөндіру машиналары жақсы көмектесіп жатыр. Кеше ғана Семей орманындағы өртті сөндіруге де белсенді қатысты. Біз Қазақстанда өндірілген техниканы белсенді қолданып жатырмыз. Бұл-қуанышты жағдай",-деді Бектенов.

Айта кетері, президенттің Шанхайға жасаған сапарынан кейін Қазақстанда тағы бірқатар қытайлық көліктер шығарылады.