Бес түн қыдырдық : Әлия Назарбаеваның бетін әрлеген визажист ел естімеген шындықты айтты (ВИДЕО)

Ресейлік визажист әрі стилист Роберт Минасян Қазақстанның тұңғыш президенті Нұрсұлтан Назарбаевтың кенже қызы Әлия Назарбаевамен жұмыс істеген кезін еске алып, сол үшін 10 мың доллар гонорар алғанын айтты, деп хабарлайды Arasha.kz.

Стилист бұл оқиғаны өзінің YouTube-арнасындағы видеоларының бірінде баяндап, шамамен 20 жыл бұрын, яғни 2002 жылдардағы жағдайды тілге тиек еткен.

Минасянның айтуынша, оны Алматыға Әлия Назарбаеваның туған күнін атап өтуге дайындау үшін арнайы шақырған. Ол бұл мақсатта Мәскеуден ұшып келіп, Қазақстанда бірнеше күн болған.

"Мен оларда бес күн тұрдым, бәрі өте еркін өтті. Таңнан кешке дейін қыдырдық. Бір ғана макияж үшін маған "ондық" берді – шамамен 10 мың доллар. Сол үйде тұрдым, іштік, демалдық, бәрі болды", – дейді стилист.

Сонымен қатар Роберт Минасян Әлия Назарбаеваның Светлана есімді құрбысымен танысқанын да айтып өтті. Оның сөзінше, бұл әйел алмаз бизнесімен байланысты болған және Назарбаеваның үйіне крокодил терісінен тігілген Hermès Birkin сөмкесімен келген. Стилисттің айтуынша, аталған сөмкенің бағасы сол кезде шамамен 50 мың доллар тұрған.

Kznews.kz жазуынша, Минасян дәл сол сәтте Birkin сөмкесін алғаш рет көргенін атап өтті. Оның айтуынша, ол кезеңде бұл аксессуар өте сирек кездесетін әрі жоғары мәртебені білдіретін сәндік бұйым саналатын.