Биыл 36 спортшымыз олимпиадаға қатысады

Бүгін Астанада чемпиондар лигасының әнұраны шырқалады. Нақтырақ айтқанда, «Астана Аренада»  қазақстандық «Қайрат» пен бельгиялық «Брюгге» жолығады.

Рафаэль Уразбахтин баптайтын жігіттер бұл матчқа тыңғылықты дайындалды. Тіпті, Абу-Даби қаласында арнайы жаттығу жиынын өткізді және бүгін қалай да ұпай алып қалуға тырысады.

Азия чемпионында жеңіске жетті

Қазақстан қыз-жігіттері Азия чемпионы атанды. Қатар астанасы Доха қаласында стенд атудан құрлықтық дода жалғасып жатыр. Жарыстың алғашқы күндері жекелей сында Адель Садақбаева, командалық сында Адель Садақбаева Ольга Хайлова, Әсем Орынбай үштігі ең үздік нәтиже тіркеп, жеңімпаз атанған болатын. Артынша олардың жеңіс жолын жасөспірімдер жалғады. Қазақстандық өрендер стенд атудың скит бағытында да, трап бағытында да командалық сында топ жарды. Әсіресе Максим Почивалов, Владислав Заводиленко, Артём Ревков, Денис Кривенко, Антон Бельский және Егор Царев сияқты жігіттер ерекше ептілігімен көзге түсті. Жалпы алғанда қоржынымызыда қазір 11 медаль бар. Оның төртеуі жоғарыда айтқандай алтын. Бұған қоса қазақстандық спортшылар 2 күміс пен 5 қола жеңіп алды. Жүлдеге ілігетін жерлестердің саны тағы да артуы мүмкін. Себебі Доха қаласындағы Азия чемпионаты 22-ші қаңтарға дейін жалғасады.

36 спортшымыз олимпиадаға қатысады

Олимпиадаға 36 спортшымыз қатысаты. Бірер аптадан кейін Италияның Милан және Кортина қалаларында жылдың басты бәсекесі қысқы олимпиада ойындары басталады. Осы орайда барлық лицнзиялық жарыстар аяқталып, жолдамалар толық таратылды. Бұған қоса, қосымша квоталар да берілді. Бәрін қоса алғанда 36 бірдей спортшымыз қысқы ойындарға қатысуға мүмкіндік алды. Әсіресе медаль күтетін бағыттар жайында айтар болсақ, фристайл-могулда - Павел Колмаков, Юлия Галышева, Аяулым Әмренова және Анастасия Городко, ал фристайл-акробатикада - Дінмұхаммед Райымқұл, Шерзод Хаширбаев, Роман Иванов, Асан Асылхан және Аяна Жолдас ел намысын қорғайды. Шорт-тректе Абзал Әжғалиев, Денис Никиша, Ольга Тихонова және Яна Хан жарыс жолына шығады. Бұған қоса мәнерлеп сырғанауда Михаил Шайдоров пен Софья Самоделкинадан үміт зор. Қазақстандық қыз-жігіттер шаңғы, биатлон, коньки жарысы, тау шаңғысы және шаңғы қоссайысы бойынша да бәсекеге араласады. Мемлекет тарапынан спортшыларымыздың сапалы дайындығы үшін 13 млрд 300 миллион теңге бөлінді. Тағы бір айта кетерлігі, қысқы ойындарды біздің елде үш бірдей телеарна тікелей эфирге көрсетеді. Оның бірі – «Хабар» телеарнасы.

Бұқаралық шаңғы жарысы өтеді

Қысқы олимпиадаға қатысушыларды қолдау және бұқаралық спортты дамыту мақсатында Астанада шаңғы жарысы өтеді. Жергілікті әкімдік жыл сайын мыңдаған қала тұрғындары мекн қонақтарын орталық паркке жинап, арнайы спорттық шара өткізеді. Биыл да осы жалғасын табады және 16 жас ерекшелігі бойынша үздіктер анықталады. Яғни ең қысқа қашықтық 500 метрді құрайды. Ең ұзағы 2,5 шақырымға созылады. Айта кету керек, бұл тек әуесқой шаңғышыларға арналған жарыс. Ерекшелігі сол бұнда ешқандай жарна не төлем талап етілмейді. Қатысу тегін. Бұқаралық шаңғы жарысының өзі 24 қаңтар күні сағат 10:00-де Орталық саябақтағы шаңғыроллер жолында өтеді.