“Болашақтықтарға“ шетелде ақша жетпей ме? Орталық сынға қатысты мәлімдеме жасады

"Болашақ" бағдарламасы бойынша шәкіртақы келесі жылы өсуі мүмкін. Бұл туралы Халықаралық бағдарламалар орталығы басқарма төрағасының орынбасары Абай Рахмет айтты, деп хабарлайды Tengrinews.kz тілшісі.

"Болашақ" бағдарламасы бойынша шәкіртақы келесі жылы өсуі мүмкін. Бұл туралы Халықаралық бағдарламалар орталығы басқарма төрағасының орынбасары Абай Рахмет айтты, деп хабарлайды Tengrinews.kz тілшісі.

Рахметтің айтуынша, қазіргі уақытта шәкіртақы көлемін ұлғайту мәселесі пысықталып жатыр. Ол бағдарлама бойынша төлемдердің 15 жылдан астам уақыт бойы өспегенін, ал әлем бойынша инфляцияның артып жатқанын атап өтті.

"Біздің стипендиаттар оқуға, соның ішінде отбасыларымен бірге барады. Кейбір елдер мен қалаларда шәкіртақы жеткіліксіз. Сондықтан бұл мәселе қарастырылып жатыр, келесі жылға қарай нақты шешім белгілі болады", - деді ол үкіметте.

Абай Рахметтің сөзінше, "Болашақ" стипендиаттардың барлық дерлік шығынын өтейтін бірегей бағдарлама.

"Бағдарлама оқу ақысын, ұшу билетін, медициналық сақтандыруды, визалық шығындарды, сондай-ақ ай сайынғы шәкіртақыны қамтиды. Бұл азаматтарымыз үшін сапалы халықаралық білім алуға берілген үлкен мүмкіндік", - деді Халықаралық бағдарламалар орталығы басқарма төрағасының орынбасары.

Оның айтуынша, шәкіртақы мөлшері оқитын ел мен қалаға байланысты. Мәселен, Нью-Йоркте ол шамамен 2 200 доллар болады, ал АҚШ-тың басқа штаттарында бұл сома төменірек.

Қарастырылып жатқан нұсқалардың бірі - тағайындалатын шәкіртақы санын азайтып, үнемделген қаражатты ай сайынғы төлемдерді арттыруға бағыттау.

ОБСУЖДАЕТСЯ СЕЙЧАС

Қазақстанның Халық жазушысы Мұхтар Шаханов өмірден өтті

19 сәуір 22:47 1

“Өкінемін, кінәлімін“: Қостанайда полицейге шабуыл жасағандар кешірім сұрады

02 сәуір 14:44 1

Қызылордадағы жол апаты: марқұмның отбасы Lexus жүргізушісі кінәлі болуы мүмкін екенін мәлімдеді

30 наурыз 15:27 1

"Ел мен қалаға байланысты шәкіртақы шамамен 10-нан 15 пайызға дейін өсуі мүмкін. Кейбір елдер мен қалаларда бұдан да жоғары болуы ықтимал. Бірақ бұл мәселені пысықтау қорытындысы бойынша белгілі болады", - деп толықтырды Абай Рахмет.

Кеше Мәжілісте Жоғары аудиторлық палата деректеріне сүйене отырып, "Болашақ" бағдарламасы сынға алынды. ЖАП мәліметінше, 340 үміткерге іріктеудің жалпы критерийлеріне сәйкес келмесе де, жеке тәртіппен 7,7 миллиард теңгеге шәкіртақы тағайындалған. Аудиторлардың айтуынша, тағы 151 шәкіртақы бекітілген лимиттен тыс берілген.

Мәжіліс депутаты Бақытжан Базарбек осыдан кейін "Болашақ" бағдарламасымен бюджет қаражаты есебінен заңсыз оқып жатқан адамдардың аты-жөнін жариялауды талап етті. Сондай-ақ ол Бас прокуратура мен құқық қорғау органдарының қатысуымен комиссия құруды ұсынды.

Халықаралық бағдарламалар орталығы аудит қорытындысымен келіспеді. Ондағылар бұл жерде қаражатты мақсатсыз пайдалану немесе ережені айналып өтіп шәкіртақы тағайындау туралы сөз болып отырған жоқ, шешімдер сол кездегі қолданыстағы нормалар аясында қабылданған деп мәлімдеді.