Болат есік құтқара алмады Жетісуда аш аю туристерге келді

Жетісу облысында Жоңғар-Алатау мемлекеттік ұлттық табиғи паркі аумағындағы қонақүй үйшігіне аю кірмек болған, деп хабарлайды Tengrinews.kz.

Жетісу облысында Жоңғар-Алатау мемлекеттік ұлттық табиғи паркі аумағындағы қонақүй үйшігіне аю кірмек болған, деп хабарлайды Tengrinews.kz.

Оқиға орнынан түсірілген видео әлеуметтік желілерде тарады. Кадрлардан Жетісу тауларындағы қонақүйлердің біріне қоңыр аюдың келгеннен кейінгі салдарын көруге болады. Жыртқыш ішке кіруге әрекеттеніп, темір есікті жұқа қаңылтырдай майыстырып тастаған. Қуанышқа орай, оқиға салдарынан ешкім зардап шеккен жоқ.

Ұлттық парк әкімшілігі оқиғаның Аттапқан шатқалында болғанын хабарлады.

"Тянь-Шань қоңыр аюы адамға сирек шабуыл жасайтын жануарлар қатарына жатады. Алдын ала мәлімет бойынша, аю аталған аумаққа тамақ иісіне келген. Оқиға салдарынан зардап шеккендер жоқ", - делінген хабарламада.

Ұлттық парк өкілдері келушілерді тамақ қалдықтарын қалдырмауға және таулы жерде қауіпсіздік шараларын сақтауға шақырды.

Google News арқылы жаңалықтарымызды қадағалаңыз