Дәрігер кофе ішкеннен кейін бірден не істеуге болмайтынын айтты

Кофе ішкеннен кейін тісті бірден тазалау эмальға зиян келтіруі мүмкін, өйткені ауыз қуысындағы қышқылдықтың уақытша жоғарылауы оның құрылымын осал етеді. Бұл туралы стоматолог Энн Нгуен-Чанг айтты, - деп хабарлайды Tengri Life тілшісі Газета.Ru басылымына сілтеме жасап.

Кофе ішкеннен кейін тісті бірден тазалау эмальға зиян келтіруі мүмкін, өйткені ауыз қуысындағы қышқылдықтың уақытша жоғарылауы оның құрылымын осал етеді. Бұл туралы стоматолог Энн Нгуен-Чанг айтты, - деп хабарлайды Tengri Life тілшісі Газета.Ru басылымына сілтеме жасап.

Дәрігердің сөзінше, кофе құрамында эмальдың беткі қабатын уақытша жұмсартатын органикалық қышқылдар бар. Бұл кезеңде тіс тазалау микрозақым, қорғаныс қабатының біртіндеп жұқаруы және тіс сезімталдығының артуына әкеп соғуы мүмкін. Сонымен, сусыннан кейін тісті бірден тазалау әдеті эмальды қорғаудың орнына, оның тозуын тездетеді.

Ең тиімді әдіс – ауыз қуысы гигиенасын кофе ішер алдында жасау. Бұл түнде жиналған бактериялық қақтан арылуға және сусын пигменттерінің тіс бетіне жабысуын азайтуға мүмкіндік береді. Сонымен қатар, эмаль қабаты тұрақтануы үшін тіс тазалау мен кофе ішу арасында шамамен 30 минут үзіліс жасау ұсынылады.

Егер тісті алдын ала тазалау мүмкін болмаса, кофе ішкеннен кейін ауызды сумен шаю қажет екені де атап өтілді. Бұл қышқылдықты төмендетуге және бояғыш заттардың бір бөлігін кетіруге көмектесіп, олардың эмальға әсерін азайтады.

Маман қосымша ұсыныстар ретінде кофені ұзақ уақыт бойы "созып" ішпеуді, қант мөлшерін азайтуды, сондай-ақ салқын сусындар үшін түтікшені пайдалануды атап өтті.

Google News арқылы жаңалықтарымызды қадағалаңыз