Дәрігерлер 19 жастағы футболшының қалай қаза тапқанын айтты

Алматы қаласының Қоғамдық денсаулық сақтау басқармасы жас футболшының қазасына қатысты ресми мәлімдеме таратты, – деп хабарлайды Aikyn.kz сайты.

2006 жылы туған азамат ауруханаға клиникалық өлім жағдайында жеткізілген. Оны оқиға орнында кезекшілікте болған жеке медициналық жедел жәрдем бригадасы алып келген.

«Ауруханаға түскен сәтте науқастың тамыр соғысы мен қан қысымы анықталмады, қарашықтары кеңейген. Дәрігерлер дереу реанимациялық шараларға кірісті. Барлық мүмкін әдістер қолданылып, 30 минут бойы өмірін сақтап қалуға әрекет жасалды. Алайда, көрсетілген медициналық көмектерге қарамастан, биологиялық өлім тіркелді», - делінген ресми хабарламада.