Делси Родригес Венесуэланың уақытша президенті ретінде ант берді

Салтанатты рәсім Парламентте өтті, оны төраға Хорхе Родригес қабылдады.

— Мен мұнда Венесуэла Боливар Республикасының конституциялық президенті Николас Мадуро Моростың атқарушы вице-президенті ретінде ант қабылдау үшін келдім. Мен мұны біздің отанымызға заңсыз әскери агрессия нәтижесінде Венесуэла халқына келтірілген қасірет үшін ауыр сезіммен жасаймын «, — деді Родригес Telesur телеарнасында көрсетілген салтанатты рәсімде.

Айта кетейік, АҚШ президенті Дональд Трамп Америка Құрама Штаттары Венесуэладағы «кемелерге есірткі тиеліп жатыр» деп саналған айлаққа соққы жасағанын мәлімдеді.

Сондай-ақ 3 қаңтар күні Дональд Трамп Венесуэла президенті жұбайымен бірге ұсталып, елден эвакуацияланғанын жеткізді. 

Венесуэла президенті Николас Мадуро мен оның әйелі Силия Флореске наркотерроризмге қатысты, атап айтқанда кокаин әкелу, пулеметтер мен жарылғыш құрылғыларды сақтау, АҚШ-қа қарсы пулеметтер мен жарылғыш құрылғыларды иемдену үшін сөз байласу айыптары тағылды.

Сол күні Венесуэланың Жоғарғы соты вице-президент Делси Родригесті ел президентінің міндетін атқаруға міндеттеді.

Венесуэланың бұрынғы президенті Николас Мадуро мен оның әйелін тасымалдаған брондалған көлік Нью-Йорктегі федералды сот ғимаратына келді. Ерлі-зайыпты алдымен Нью-Йорк түрмесінен сот ғимараты жанындағы ауданға тікұшақпен жеткізілді. Содан кейін олар сот ғимаратына брондалған көлікпен барды.

Судья Элвин Хеллерстайнның мәлімдеуінше, іс бойынша келесі сот отырысы 17 наурыз күні сағат 11:00–де өтеді.

Айта кетейік, бұған дейін Венесуэладағы оқиғаға байланысты әлем елдерінің реакциясы қандай екенін жаздық.