ЕАЭО аясындағы техникалық реттеу процесін цифрлық форматқа көшіріледі

АСТАНА, 3 маусым – Sputnik. Еуразиялық экономикалық одақта (ЕАЭО) өнім қауіпсіздігі талаптарын әзірлеу процесін цифрландыру жоспарланып отыр, деп мәлімдеді Еуразиялық экономикалық комиссияның техникалық реттеу жөніндегі министрі Александр Субботин.

"Жобаға қатысушылардың барлығын оны биыл іске қосу үшін қажетті шараларды қабылдауға шақырамын", – деді Александр Субботин.

Оның төрағалығымен "Еуразиялық экономикалық одақ аясында цифрлық техникалық реттеу" жобасын үйлестіру жөніндегі жұмыс тобының отырысы өтті.

Жұмыс тобы мүшелері Астанада өткен Еуразиялық экономикалық форум аясындағы осы тақырыпқа арналған сессиядағы талқылауды жоғары бағалады.

"Цифрлық техникалық реттеу жобасы өнім қауіпсіздігі талаптарын әзірлеу процесін цифрлық ортаға көшіруге, сондай-ақ кең ауқымды пайдаланушыларға осы талаптар мен олардың орындалуын бағалау рәсімдеріне толық әрі ыңғайлы қолжетімділік беруге бағытталған", – деп атап өтті ЕЭК.

Үйлестіру тобы жобаны жалпы басқаруды, оның іске асырылуын бақылауды жүзеге асырады, туындайтын мәселелер мен келіспеушіліктерді қарайды, сондай-ақ жобаны қабылдау-тапсыру сынақтарын ұйымдастырады.