ЕАЭО мен Вьетнам өзара тиімді ынтымақтастық үшін оңтайлы жағдайлар жасауға ниетті

АСТАНА, 2 наурыз – Sputnik. Ханойға жұмыс сапары барысында ЕЭК Алқасының төрағасы Бақытжан Сағынтаев Вьетнамның өнеркәсіп және сауда министрінің міндетін атқарушы Ле Мань Хунгпен кездесті.

"Кездесу барысында жаһандық экономикалық күн тәртібіндегі өзекті мәселелер және 2016 жылы күшіне енген Еуразиялық экономикалық одақ пен Вьетнам арасындағы еркін сауда туралы келісім шеңберіндегі ынтымақтастықтың перспективалы бағыттары бойынша пікір алмасу болды", - деп хабарлады Алқаның баспасөз қызметі.

ЕЭК басшысы Бақытжан Сағынтаевтың айтуынша, соңғы сегіз жылда ЕАЭО елдері мен Вьетнам арасындағы сауда айналымы 60%-ға өсіп, 6,8 миллиард долларға жетті, ал 2025 жылға қарай ол 8,3 миллиард долларды құрады.

Сағынтаев ЕЭО Вьетнаммен диалогты одан әрі кеңейтуге үлкен мән беретінін айтты.

Тараптар Еуразиялық "бестік" елдері мен Вьетнам арасындағы экономикалық диалогты одан әрі нығайтуға деген өзара міндеттемелерін растады және өзара тиімді ынтымақтастық үшін оңтайлы жағдайлар жасауға ықпал етуге келісті.

Еске салайық, Еуразиялық экономикалық одақ пен оған мүше мемлекеттер және Вьетнам Социалистік Республикасы арасындағы еркін сауда туралы келісімге 2015 жылдың 29 мамырында қол қойылып, құжат 2016 жылдың 5 қазанында күшіне енді.

Құжат жалпы халқы шамамен 287 миллион адамды құрайтын елдердің нарықтарын қамтиды.