ЕАЭО сыртқы сауда айналымының жартысына жуығы ШЫҰ елдеріне тиесілі ЕЭК министрі

АСТАНА, 7 қыркүйек – Sputnik. ЕАЭО үшін ШЫҰ географиялық көрші ғана емес, ең алдымен басым серіктес болып табылады, деп мәлімдеді ЕЭК интеграция және макроэкономика министрі Данияр Иманәлиев.

"ЕАЭО сыртқы сауда айналымының жартысына жуығы ШЫҰ елдеріне тиесілі. Екі қауымдастық та Еуразия кеңістігіндегі іс-қимылдарды бірлесіп дамытуға және үйлестіруге мүдделі", - деді Иманәлиев.

Ол сондай-ақ соңғы бес жылда ЕАЭО мен ШЫҰ арасындағы ынтымақтастықтың кешенді инфрақұрылымы құрылғанын және конгресс алаңдарында кездесулер дәстүрге айналғанын айтты.

Иманәлиев көлік және логистикалық инфрақұрылымды, кедендік ынтымақтастықты, өнеркәсіптік кооперацияны, энергетиканы және цифрландыруды ынтымақтастықтың басым бағыттары ретінде атады.

Министр 17 қыркүйекте Бейжіңдегі ШЫҰ штаб-пәтерінде "ЕАЭО күндері" өтетінін хабарлады. Іс-шарада ЕЭК пен ШЫҰ хатшылығы арасындағы 2027-2030 жылдарға арналған өзара түсіністік туралы меморандумды іске асыру бойынша бірлескен іс-шаралар жоспарына қол қойылады.

"Біздің негізгі міндетіміз - ортақ пікір табу және реттеуші тәсілдерді біртіндеп үйлестіру. Мен мүдделер теңгерімін және прагматикалық қадамдар жасауға дайындықты сақтау арқылы ЕАЭО мен ШЫҰ арасындағы ынтымақтастықты сапалы жаңа деңгейге көтере алатынымызға сенімдімін", - деді Иманәлиев.