Екі өңірде жол қозғалысына уақытша шектеу енгізілді

5 наурыз сағат 18:00-де ауа райының бұзылуына байланысты келесі республикалық маңызы бар автожолдарда қоғамдық және жүк көлік түрлерінің қозғалысына шектеу енгізіледі:

Қостанай облысы:

– «Қостанай – Әулиекөл – Сұрған» автожолының 8-232 шақырым аралығындағы учаскесінде (Тобыл қаласы – Ақмола облысының шекарасы). 

Ақмола облысы:

– «Жезқазған – Арқалық – Петропавл» автомобиль жолының 532-552 шақырым аралығы (Бұзылық елді мекені – Сұрған елді мекені);

– «Қостанай – Әулиекөл – Сұрған» автожолының 232-260 шақырым аралығы (Қостанай облысының шекарасы – Сұрған елді мекені); 

– «Жақсы – Есіл – Бұзылық» автожолының 71-82 шақырым аралығы (Ақсай елді мекені – Бұзылық елді мекені).

Айта кетейік, жолды 2026 жылғы 6 наурыз сағат 08:00-де ашу жоспарланып отыр. 

Еске салсақ, бұған дейін 5 наурызда елдегі қай жолдарда қозғалыс тәртібі өзгергенін хабарлағанбыз.