Екпінді жел мен найзағай артынша аптап ыстық: Алматыда мамыр айының басына дейін қандай ауа райы күтіледі

Алматы қаласы мен облысы бойынша "Қазгидромет" филиалының жетекші инженер-синоптигі Дәулет Кисебаевтың айтуынша, өңірде ауа райы құбылмалы болады: алдымен атмосфералық фронттар жаңбыр, найзағай және екпінді жел әкелсе, кейін антициклон келіп, құрғақ әрі жылы ауа райы орнайды.

"Алматы облысында негізінен жауын-шашынсыз ауа райы күтіледі. Тек аптаның басында атмосфералық фронттардың әсерінен ауа райы тұрақсыз болады. Облыстың басым бөлігінде жаңбыр, найзағай және дауылды жел күтіледі. Кей жерлерде бұршақ түсуі мүмкін, ал оңтүстікте, таулы аймақтарда кей уақытта қатты жаңбыр жауады", – деді Дәулет Кисебаев.

Синоптиктің айтуынша, таулы өңірлерде тұман болуы мүмкін.

"Түнде ауа температурасы негізінен +7…+12°С болады, ал таулы аймақтарда -2…+3°С. Кезең соңында түнгі температура +12…+17°С-қа дейін, таулы аймақтарда +3…+8°С-қа дейін көтеріледі. Күндіз температура +19…+24°С аралығында, таулы аймақтарда +9…+14°С-тан +23…+28°С-қа дейін өзгереді. Кейін күндізгі температура +27…+32°С-қа дейін көтеріледі, ал таулы аймақтарда +17…+22°С болады".

Ал Алматы қаласында аптаның басым бөлігінде антициклон әсерінен жауын-шашынсыз ауа райы күтіледі. Дегенмен 26 және 27 сәуірде күндіз жаңбыр, найзағай және екпінді жел болжанады.

"Түнде ауа температурасы +9…+11°С-тан +12…+14°С-қа дейін өзгереді. Демалыс күндері күндіз ауа +24…+26°С-қа дейін жылынады. Апта басында атмосфералық фронттардың өтуіне байланысты күндіз температура +18…+20°С-қа дейін төмендейді. Кейін күндізгі температура біртіндеп +27…+32°С-қа дейін көтеріледі", – деп қорытындылады синоптик.

Алматы қаласы бойынша 25 сәуір – 1 мамыр аралығындағы болжам:

25 сәуір: ауыспалы бұлтты, жауын-шашынсыз. Жел шығыстан 3–8 м/с. Түнде +9…+11°С, күндіз +22…+24°С.26 сәуір: ауыспалы бұлтты, күндіз жаңбыр, найзағай. Жел оңтүстік-батыстан 3–8 м/с, екпіні 15–18 м/с. Түнде +10…+12°С, күндіз +24…+26°С.27 сәуір: ауыспалы бұлтты, кей уақыттарда жаңбыр, найзағай. Жел солтүстік-батыстан 3–8 м/с, екпіні 15 м/с. Түнде +12…+14°С, күндіз +18…+20°С.28 сәуір: ауыспалы бұлтты, жауын-шашынсыз. Жел солтүстік-шығыстан 3–8 м/с. Түнде +9…+11°С, күндіз +20…+22°С.29 сәуір: ауыспалы бұлтты, жауын-шашынсыз. Жел шығыстан 3–8 м/с. Түнде +10…+12°С, күндіз +23…+25°С.30 сәуір: ауыспалы бұлтты, жауын-шашынсыз. Жел шығыстан 3–8 м/с. Түнде +10…+12°С, күндіз +25…+27°С.1 мамыр: ауыспалы бұлтты, күннің соңында жаңбыр, найзағай. Жел оңтүстік-шығыстан, шығыстан 3–8 м/с, екпіні 15 м/с. Түнде +13…+15°С, күндіз +27…+29°С.

Бұған дейін 25 сәуірде Қазақстанның 7 қаласында ауа сапасы нашарлайтындығын жазған болатынбыз.