Елорда әкімдігі 38 жер учаскесін 1 млрд теңгеге сатып алады

— Астана қалалық тұрғын үй және тұрғын үй инспекциясы басқармасы Астана қалалық мәслихатының қарауына 1 млрд 33 млн теңге сомасында жалпы ауданы 14 гектар болатын 6 нысан бойынша 38 жер учаскесін сатып алу туралы шарт жобасын ұсынады. Жер учаскелерін сатып алу келесі құрылыс нысандары үшін жүзеге асырылады.

Бірінші — «Слободка» ауданынан Қорғалжың тас жолы бойындағы қолданыстағы коллектор ойымына дейін кәріз коллекторын төсеу үшін дәліз.

Екінші — Қорғалжың тас жолы ауданында жылумен жабдықтау магистралды желісі.

Үшінші — Керей-Жәнібек хандар мен Орал көшелерінің қиылысы ауданында Жоғары аудиторлық палата ғимараты.

Төртінші — Тоқпанов көшесі ауданында мектеп.

Бесінші — ИП-8 көшесінен А-234 көшесіне дейінгі учаскеде электр тарту желісі дәлізі.

Алтыншы — Астана-Қарағанды тас жолы ауданында логистикалық парк, — деді Астана қалалық тұрғын үй және тұрғын үй инспекциясы басқармасының басшысы Ануар Саипов.

Оның атап өтуінше, жер учаскелерінің иелері өтемақы сомасын білді. Осы ретте депутаттар басқарма ұсынысты қолдап дауыс берді.

Айта кетейік, бүгінгі кезектен тыс сессия барысында 2 депутаттың өкілеттігі мерзімінен бұрын тоқтатылды.