Ербол Мырзабосыновтың жаңа қызметі белгілі болды

Мемлекет басшысының Жарлығымен Ербол Қуантайұлы Мырзабосынов Қазақстан Республикасының Туризм және спорт министрі лауазымына тағайындалды, – деп хабарлайды Aikyn.kz

Ербол Қуантайұлы Мырзабосынов 1984 жылы 30 тамызда Семей қаласында дүниеге келген. Семей мемлекеттік педагогикалық институтын, Қазақ гуманитарлық-заң инновациялық университетін, Қазақ спорт және туризм академиясын бітірген. PhD докторы. ҚР еңбек сіңірген жаттықтырушысы.

Еңбек жолын 2005 жылы Семей мемлекеттік педагогикалық институты Дене шынықтыру және спорт теориясы мен әдістемесі кафедрасының ассистенті, жаттықтырушы-оқытушысы болып бастап, 2009-2013 жж. Семей қаласының мемлекеттік медицина университетінің дене тәрбиесі кафедрасының оқытушысы болған. 2013-2014 жж. Семей қаласының мемлекеттік медицина университетінің дене тәрбиесі кафедрасының меңгерушісіне дейін жұмыс істеді. 

2018-2020 жж. - «Қызылжар Арландары» спорт клубының директоры қызметін атқарған.

2020-2021 жж. – Qazaq kuresi қауымдастығының басқарушы директоры.

2021-2023 жж. - Дене шынықтыру және бұқаралық спорт академиясының ректоры.

2024 жылы Туризм және спорт министрі қызметіне тағайындалғанға дейін Спорт және дене шынықтыру істері комитетінің төрағасы қызметін атқарған болатын. Бүгін де Президент Жарлығымен сол қызметіне қайта тағайындалды.