Еспелі слалом: Thailand open рейтингтік турнирінде Қазақстан қоржынына алтын медаль түсті

Таиландтың Районг қаласында өтіп жатқан еспелі слаломнан Thailand open рейтингтік турнирінде Қазақстан командасының қоржынына алғашқы алтын медаль түсті, – деп хабарлайды Aikyn.kz.

Бүгін отандасымыз Александр Куликов жекелей сында каноэ бағдарламасында үздік шықты.

Canoe Slalom, жүлдегерлер:
1-орын: Александр Куликов (Қазақстан)
2-орын: Кейго Ямамото (Жапония)
3-орын: Севан Билло (Аустралия)

Александр Куликов қақпадан өту кезінде 2 секунд айып ұпайын алғанына қарамастан, 86.51 секунд нәтижесімен қарсыластарынан озып шықты. Сондай-ақ үздік бестіктің қатарында тағы бір қазақ спортшысы Қуаныш Еренғайыпов (4-орын) бар.

Осыған дейінгі жарыс күндері Ұлттық құрама спортшылары 3 күміс, 2 қола медаль иеленген.
Иманғали Мамбетов (каяк) - күміс
Анастасия Ананьева (каноэ) - күміс
Екатерина Таранцева (каяк кросс) - күміс
Владислав Рябко (каяк кросс) - қола
Тимур Рынк (каяк кросс) - қола

Айта кетейік, Thailand Open жарысы 8 наурызда мәресіне жетеді. Осыдан кейін спортшылар Паттайя қаласында U18-23 жас санатындағы Азия чемпионатында бақ сынайды.

Сараптама, зерттеу мақала, күнделікті өзекті ақпаратты «Айқынның»   TELEGRAM арнасынан табасыз.