Еуроодақ Ресеймен байланысы бар деген күдікпен тағы 20 кемеге санкция салуы мүмкін

АСТАНА, 2 маусым – Sputnik. Еуропалық Одақ Ресейге қарсы санкциялардың 21-пакеті аясында Ресеймен байланысы бар деген күдікпен тағы 20 танкерге санкция салуды қарастырып жатыр, деп хабарлады РИА Новости Bloomberg дереккөздерге сілтеме жасап.

Еуроодақ жаңа шаралар пакетін әзірлеп, оны маусым айының басында ресми түрде ұсынуды жоспарлап отыр.

"Шамамен тағы 20 танкерге санкциялар салынуы мүмкін. Бұл режим сұйытылған табиғи газ тасымалдайтын кемелерге де қолданылуы мүмкін", - деп хабарлайды агенттік.

Агенттік дереккөздерінің мәліметінше, Еуроодақ танкерлерге қызмет көрсететін кемелерге де шаралар қолдануды көздеп отыр. Дегенмен, басылымның мәліметінше, жаңа пакетте теңіз тасымалына толық тыйым салуды қамтуы екіталай, себебі Таяу Шығыстағы тұрақсыздық жағдайында бірнеше Еуроодақ елі бұл шараға қарсы.

Жалпы биыл 23 сәуірде Еуропалық Одақ елдері Ресейге қарсы санкциялардың 20-шы пакетін қабылдады. Өз кезегінде Ресей бірнеше жыл бұрын Батыстың Ресейге көрсете бастаған және әлі де күшейе түскен санкциялық қысымға төтеп беретінін бірнеше рет мәлімдеді.