Еуропаның танымал курорттарында турист әйелдерге арналған жабық киімдерге шектеу қою ұсынылды

Испанияның танымал туристік бағыттары Ибица мен Майорка кіретін Балеар аралдарында қоғамдық орындарда тұмшаланған киім киюге тыйым салу бастамасы талқыланып жатыр. Мәселе бетті толық жауып тұратын киімге қатысты болып отыр, деп хабарлайды Tengri Travel тілшісі Daily Express-ке сілтеме жасап.

Испанияның танымал туристік бағыттары Ибица мен Майорка кіретін Балеар аралдарында қоғамдық орындарда тұмшаланған киім киюге тыйым салу бастамасы талқыланып жатыр. Мәселе бетті толық жауып тұратын киімге қатысты болып отыр, деп хабарлайды Tengri Travel тілшісі Daily Express-ке сілтеме жасап.

Басылым мәліметінше, егер заң жобасы қабылданса, ережені бұзғандарға 30 мың еуроға дейін (шамамен 17 миллион теңге) айыппұл салынуы мүмкін.

Сонымен қатар бастама авторларының нұсқасы бойынша тұмшаланып киінуге мәжбүрлейтіндердің де жауапкершілігі бөлек талқыланып жатыр - бұл жағдайда төрт жылға дейін бас бостандығынан айыру түріндегі қылмыстық жаза қарастырылуы мүмкін.

Бастаманы қолдаушылар бұл шара теңдік пен қоғамдық қауіпсіздік мәселелеріне бағытталғанын айтады.

Депутат Мануэла Канадастың пікірінше, мұндай киімдер адамның еркіндігін шектейді.

"Жамылғы - бұл даралықты жою құралы", - деді ол.

Сондай-ақ саясаткерлер қоғамдық орындарда қауіпсіздік пен адамды анықтау мәселесін көтерді. Олардың айтуынша, Еуропаның бірқатар елінде ұқсас шектеулер қолданыста бар.

Заң жобасына қарсы шығушылар бұл ұсынысты кемсітушілік деп атап, ол нақты мәселелерді шешпейді деп санайды.

БАҚ мәліметінше, әлемнің 20-дан астам елі қоғамдық орындарда бурка мен бетті толық жауып тұратын кез келген басқа киімді киюге тыйым салған. Еуропада алғашқы болып мұндай қадамға 2011 жылы Франция барған болатын.

Айта кетейік, Еуропалық одақта әуе сапарларына арналған жаңа ережелер талқыланып жатыр. Негізгі өзгерістердің бірі - қолжүгі билеттің базалық құнына енгізілуі мүмкін.

Тағы оқыңыз: Қауіпті вирустар мен қызылша: ӘЧ-2026 қарсаңында қазақстандық саяхатшылар нені білуі керек?

Google News арқылы жаңалықтарымызды қадағалаңыз