Францияда Брижит Макронды трансгендер деп айыптағандар сотталды

Париж соты Франция президентінің жұбайы Брижит Макронға қатысты интернетте жалған ақпарат таратып, қорлаған 10 адамды кінәлі деп таныды, деп хабарлайды Arasha.kz.

Сот шешімінің негізгі тұстары:
Сотталушылар Брижит Макронды "ер адам болып туған" және "педофилиямен айналысқан" деген жалған қауесеттер таратқан. Сот бұл пікірлерді "аса қорлау және қаскөйлік ниетте" деп бағалады.

Сот үкімімен 8 адам 4 айдан 8 айға дейінгі мерзімге шартты түрде сотталды. Бір ер адам сотқа келмегені үшін 6 айға бас бостандығынан айырылды.

Кінәлілерге интернетте өшпенділік тудыруға қарсы арнайы курстан өту міндеттелді.

Желідегі басты арандатушылардың (соның ішінде "Зои Саган" деген атпен танымал Орельен Пуарсон-Атлан мен медиум Дельфин Ж.) аккаунттары 6 айға бұғатталды.

Брижит Макронның адвокаты Жан Энноки бұл шешімдегі ең маңызды нәрсе — жазалау ғана емес, профилактикалық курстар мен аккаунттардың бұғатталуы екенін атап өтті.

Эммануэль Макрон (48 жаста) мен Брижиттің (72 жаста) арасындағы 24 жылдық жас айырмашылығы оның президенттік мерзімі басталғаннан бері түрлі қауесеттерге себеп болып келеді. Бұған дейін де осындай жала жапқаны үшін бірнеше адам ірі көлемде айыппұл арқалаған болатын.