Француздық SNAC Президенті ҚазАК қызметіне жоғары баға берді

Францияның Авторлар мен композиторлар ұлттық одағының (SNAC) басшысы, француз композиторы Пьер Тийу Қазақстандағы авторлық құқықтарды қорғау жүйесінің дамуына арналған жеке мақаласын арнады. Мақала Тийудың Алматыда "Қазақстан авторлық қоғамы" РҚБ (ҚазАК) бас директоры Айнура Есендикова ханыммен жеке кездесуінен кейін француздық Novastan басылымында жарық көрді.

"Бұл кездесу маған қызметі Францияда және басқа елдерде көбірек танылуға лайықты тұлғаны танып-білуге мүмкіндік берді", - деп жазады Тийу, Syndicat National des Auteurs et des Compositeurs Президенті.

Пьер Тийу, Францияның Авторлар мен композиторлар ұлттық одағының (SNAC) Президенті. Сурет: SNAC

Автор ҚазАК қызметін цифрландыру, жасанды интеллектінің дамуы және шығармалардың жаһандық таралуына байланысты авторлық құқық саласында болып жатқан өзгерістер аясында қарастырады. Ол ҚазАК-тың зияткерлік меншікті қорғау саласындағы ірі халықаралық ұйымдардың мүшесі екенін және 90-нан астам шетелдік ұйыммен қарым-қатынас орнатқанын атап өтеді.

Француз композиторының пікірінше, авторларды тиімді қорғаудың қажетті шарты ретінде халықаралық байланыстарды дамыту барған сайын маңызды болып отыр.

"Олардың құқықтарын қорғауға арналған ұйымдар да шекарадан тыс жұмыс істеуді үйренуі керек", - деп атап өтеді ол.

Пьер Тийу, Францияның Авторлар мен композиторлар ұлттық одағының (SNAC) Президенті. Сурет: SNAC

Мақалада сондай-ақ ҚазАК-тың Біріккен Ұлттар Ұйымының Дүниежүзілік зияткерлік меншік ұйымы әзірлеген WIPO Connect жүйесін пайдаланатыны, сондай-ақ қазақстандық музыканы цифрлық платформаларда пайдалану және құқық иелеріне сыйақы төлеу мәселелері бойынша халықаралық келіссөздер жүргізіліп жатқаны туралы айтылады.

Пьер Тийу бүгінде әртүрлі елдердің авторлары алдында тұрған міндеттердің көпшілігі ортақ екенін атап көрсетеді. Ол Бразилиядан шыққан дирижер досының: "Енді арамызда мұхит жоқ", - деген сөзін келтіреді.

"Әлемнің өзгеру үдерісінде шығармашылықпен айналысатын адамдардың ешқашан назардан тыс қалмауын қамтамасыз ету - біздің ортақ жауапкершілігіміз", - делінген жарияланымда.

"Портрет: Айнура Есендикова, Қазақстан авторларына қызмет ететін әйел" атты мақала 2026 жылғы 25 тамызда жарияланды. Қазақстан үшін бұл жарияланымның ерекшелігі - отандық маманның қызметі мен авторлық құқықтарды ұжымдық басқару жүйесіне Францияның кәсіби авторлар қауымдастығының өкілі Алматыдағы жеке таныстықтан кейін тікелей баға бергенінде.

"Қазақстан авторлық қоғамы" РҚБ ұсынған материал

Google News арқылы жаңалықтарымызды қадағалаңыз