Футболшы Илья Буртовой жол апатынан қаза тапты

Облыстық полиция департаментінің мәліметінше, қайғылы оқиға 6 маусым күні Абай – Қарағанды автожолының Дубовка кенті маңындағы учаскесінде болған. Chevrolet Cobalt көлігін басқарған 21 жастағы жүргізуші көлікті тізгіндей алмай, қарсы жолаққа шығып кеткен. Соның салдарынан ол Opel Vectra автокөлігімен соқтығысқан.

Павлодар облысында жол апатынан жасөспірім қаза тапты

Апат салдарынан Chevrolet Cobalt жүргізушісі мен оның екі жолаушысы түрлі жарақат алып, ауруханаға жеткізілді. Ал ауыр халде ауруханаға түскен Илья Буртовой дәрігерлердің барлық күш-жігеріне қарамастан қайтыс болды.

Полиция жол апаттарының негізгі себептері ретінде жылдамдықты шамадан тыс арттыруды, қарсы жолаққа шығуды және жүргізушілердің жолдағы мұқиятсыздығын атады. Осыған байланысты тәртіп сақшылары жүргізушілерді жол қозғалысы ережелерін қатаң сақтауға шақырды.

Атырау облысында аудан әкімнің орынбасары жол апатынан көз жұмды

Илья Буртовой футболдағы кәсіби мансабын 2015 жылы бастаған. Ол әр жылдары түрлі командалар сапында өнер көрсетіп, футзалдан да бақ сынады. Сондай-ақ FC BIRLIK әуесқой клубының құрамында шағын футболдан әлем чемпионатына қатысқан. 2025 жылы Көкшетаудың «Елімай» клубы сапында Қазақстан кубогі мен Бірінші лига матчтарында алаңға шыққан болатын.