Футзалдан Қазақстан құрамасы екінші ойында Өзбекстанды ойсырата ұтты

Футзалдан Қазақстан ұлттық құрамасы Өзбекстанға қарсы өткен екінші жолдастық матчта айқын жеңіске жетті, - деп хабарлайды Vesti.kz. 

Ташкентте өткен матчта отандастарымыз 5:2 есебімен жеңіске жетті. Қазақстан құрамасы сапында Альберт Ақбалықов дубль жасады.  Азат Валиуллин, Біржан Оразов пен Ақжол Дәрібай бір-бір голдан еншісіне жазды. 

Айта кетейік, екі құрама арасындағы бірінші жолдастық кездесуде Өзбекстан құрамасы 2:1 есебімен басым болған еді.

Vesti.kz сайтын осы әлеуметтік желілерінде оқыңыздар

Vesti-де Tik Tok та бар @vestikzsport