Газада соңғы тұтқынның мәйіті табылды

Израиль Газа секторында тұтқында болған соңғы азаматының мәйіті табылғанын хабарлады.

Мүрде анклавтың солтүстігіндегі «Әл-Баташ» зиратында көмілген екен. Оның жеке басы стоматологиялық және қылмыстық сараптама негізінде анықталды. Осылайша оқ атпау туралы келісімнің бірінші кезеңі аяқталды деуге болады. Енді келіссөздердің келесі кезеңі басталмақ. Естеріңізге сала кетейік, АҚШ-тың арағайындығымен 2025 жылдың қазанында күшіне енген келісім бойынша барлық израильдік тұтқын мен палестиналық қамауға алынғандардың біраз бөлігі қайтарылуы керек болатын.