Германияның кеден қызметі мүсін ішінен 1 миллион еуроның есірткі затын тапты

Кёльн/Бонн әуежайында кеденшілер алтынмен боялған бақша гномының мүсіндеріне жасырылған шамамен 25 келі кетамин есірткісін тапты. Кеден қызметінің мәліметінше, заңсыз жүктің жалпы құны шамамен 1 миллион еуроға бағаланады.

— Есірткі шамамен бір ай бұрын Германияның оңтүстігінен Канада мен Австралияға жіберілген 4 сәлемдемені рентгендік тексеру кезінде табылған. Атап айтқанда, пішіні анық өзгерген бақ гномдарының аяқтары күдік туғызды, — деді Кёльн кеден басқармасының өкілі Йенс Ахланд.

Кетаминді Кёльн кедені тәркілеген

Кетамин әсіресе сауық кештерде танымал дәрі болып саналады. Оны қара базарда кокаиннің жарты бағасына сатып алуға болады. DPA мәліметтері бойынша, кетамин Еуропадан әлемнің басқа бөліктеріне жиі тасымалданады.

Өткен жылы Кёльндегі кеден қызметкерлері құны 54 миллион еуро болатын 1,3 тонна кетаминді тәркілеген. Бір апта бұрын Кёльн кеденшілері А3 автобанында Франкфурт-на-Майне бағытында келе жатқан голланд таксиіндегі жолаушы 36 жастағы британдық азаматтың багажынан 33 келі кетамин тапты. Есірткі салынған 30 пакетті жасыру үшін олар сыйлық қағазына оралған.

Еске сала кетейік, былтыр өзбекстандық кеденшілер 2,8 тоннадан астам есірткі мен психотроптық заттарды тәркілеген болатын.