Илон Масктың байлығы 100 миллиард долларға азайды

Америкалық кәсіпкер Илон Маск енді триллион долларлық байлық иесі емес. Оның компаниялары акцияларының арзандауына байланысты дәулеті 100 миллиард доллардан астам сомаға қысқарды.

Маск қаржылық жағдайының нашарлағанын X әлеуметтік желісінде жариялаған жазбасында мойындап, өзін әзілмен «бұрынғы триллионер» деп атады. Оның жазбасын шамамен 25 миллион адам көрген.

Бұған дейін SpaceX компаниясының IPO-сынан кейін Илон Маск әлемдегі алғашқы триллионер атанған еді. Forbes мәліметінше, кәсіпкердің компаниядағы шамамен 42 пайыздық үлесінің құны 690 миллиард долларға дейін өсіп, жалпы байлығы 1 триллион доллардан асқан.

Алайда Маск бұл мәртебені екі аптаға да жетпейтін уақыт сақтады. Оның дәулеті 118 миллиард долларға азайып, 957 миллиард долларды құрады.