Индиан Уэллсте Рыбакинаның украиналық қарсыласы ойынға баға берді

Жекелей сындағы үшінші айналымда Костюк әлемнің үшінші ракеткасы Рыбакинаға 4:6, 4:6 есебімен жол берді.

Посмотреть эту публикацию в Instagram

Публикация от Marta Kostyuk • Марта Костюк (@martakostyuk)

Теннисшінің айтуынша, бұл оның жарақаттан кейінгі алғашқы турнирі болған.

"Осымен менің Индиан-Уэллстегі жолым аяқталды. Бұл жарақаттан кейінгі алғашқы турнирім болды. Мұнда қайтадан жарысқа шығу мен үшін бақыт болды. Қолдау білдіргендердің бәріне рақмет. Келесі аялдама – Майами", – деп жазды Костюк әлеуметтік желідегі парақшасында.

Айта кетейік, Индиан-Уэллстегі "мыңдық" турнирінің төртінші айналымында 11 наурыз күні Рыбакина Ұлыбритания өкілі, әлемнің 54-ракеткасы Сонай Карталмен кездеседі.