Инфрақұрылымға жасалған соққылардан кейін Украинаның бес облысы жарықсыз қалды

Украинаның бес облысында — Харьков, Сум, Донецк, Запорожье және Днепропетровск облыстарында ауқымды электр энергиясының өшуі тіркелді. Бұған энергетикалық инфрақұрылым нысандарына жасалған жаңа соққылар себеп болды, деп хабарлайды DW.

«Укрэнерго» ұлттық энергетикалық компаниясының хабарлауынша, зақымдалған орындарда апаттық-қалпына келтіру бригадалары жұмыс істеп жатыр.

«Қауіпсіздік жағдайы мүмкіндік беретін барлық жерде қалпына келтіру жұмыстары жүргізілуде. Энергетиктер тұтынушылардың үйлеріне жарықты қайта беру үшін қолдан келгеннің бәрін жасап жатыр», — деп нақтылады компаниядан.

Сонымен қатар, Полтава және Николаев облыстарындағы бірқатар елді мекендер ауа райының қолайсыздығына — қатты күн күркіреп, желдің күшеюіне байланысты жарықсыз қалғаны атап өтіледі.

Газ инфрақұрылымына жасалған соққылар

Бұған параллельді түрде «Нафтогаз» компаниясы Харьков облысындағы өзінің газ өндіру нысандарына жасалған шабуылдар сериясы туралы мәлімдеді.

Компания мәліметінше, соққыдан кейін активтердің бірінде ірі өрт шыққан. Тілсіз жауды жедел жою мүмкін болғанымен, технологиялық жабдықты толықтай тоқтатуға тура келді, бұл газ өндіру көлемінің төмендеуіне әкеп соқты. Бір тәуліктен кейін газ инфрақұрылымының тағы бір нысаны шабуылға ұшырап, онда «көптеген қираулар» тіркелді. Қазіргі уақытта мамандар келтірілген шығын көлемін бағалауда.

Бүгін, 17:00